Í byrjun árs 2019 tók gildi nýr alþjóðalegur reikningsskilastaðall um leigusamninga, IFRS 16 Leigusamningar. Staðallinn felur í sér umtalsverðar breytingar á reglum um færslu leigusamninga í reikningsskilum leigutaka, sem í flestum tilvikum munu þurfa að reikna og færa eignir, skuldir, afskriftir og vaxtagjöld vegna leigusamninga.

Miðað við gildandi lög nr. 3/2006 um ársreikninga gilda reglur staðalsins bæði fyrir félög sem semja reikningsskil sín í samræmi við alþjóðlega reikningsskilastaðla (IFRS) og félög sem semja reikningsskil sín í samræmi við ársreikningalög. 

Innleiðing nýrra reikningsskilareglna um leigusamninga mun meðal annars hafa eftirfarandi áhrif:

• Skilgreina þarf þá samninga sem ber að færa samkvæmt reglum IFRS 16 og taka saman nauðsynlegar upplýsingar vegna þeirra;
• Helstu fjárhagskennitölur breytast, sem getur t.a.m. haft áhrif á því hvort félög uppfylla skilmála lánasamninga;
• Nýir matsliðir vegna færslu leigusamninga krefjast sérfræðiþekkingar;
• Meiri sveiflur í eignum og skuldum félaga með tilheyrandi áhrifum á arðgreiðslumöguleika þeirra;
• Ný kerfi og/eða ferlar gætu verið nauðsynlegir til að mæta kröfum staðalsins.

Ljóst er að nýju reikningsskilareglurnar munu hafa umtalsverð áhrif á mörg íslensk félög. Mikilvægt er að bregðast hratt og örugglega við til þess að tryggja að útreikningar og færslur vegna leigusamninga séu í samræmi við þessar nýjar reglur.

KPMG hefur smíðað líkan sem leysir helstu áskoranir vegna útreikninga eigna, skulda, afskrifta og vaxtagjalda í samræmi við reglur IFRS 16 með einföldum og skilvirkum hætti. 

Nánari upplýsingar um líkanið er að finna í einblöðung sem hægt er að nálgast hér.